შაბათს „მარსელმა“ კვლავ გააწბილა გულშემატკივარი, „სტრასბურთან“ ფრედ 2:2 ითამაშა. მიუხედავად ამისა, ალჟირელი ფეხბურთელი ამინ გუირი თავდაჯერებულობას ინარჩუნებს. გუშინ, ლიგა 1-ის მატჩში „ოლიმპიკ მარსელმა“ ბოლო წუთებზე დათმო უპირატესობა და „სტრასბურგთან“ ფრედ 2:2 ითამაშა, რაც გულდასაწყვეტი შედეგი იყო. მარსელურ კლუბში მიმდინარე კრიზისის მიუხედავად, თავდამსხმელი ამინ გუირი სეზონის დარჩენილი ნაწილის მიმართ ოპტიმისტურად არის განწყობილი. „მე თავდაჯერებული ვარ. ძალიან კარგი გუნდი გვყავს. მეოთხე ადგილზე ვართ, პოდიუმთან ახლოს. ასევე საფრანგეთის თასის მეოთხედფინალში ვართ. ჩვენი მატჩები ბოლომდე უნდა მივიყვანოთ. ჩვენ ჯერ კიდევ ბრძოლაში ვართ და ყველაფერს გავაკეთებთ, რომ ჩემპიონთა ლიგაში მოვხვდეთ და ეს თასი მოვიგოთ“, – განუცხადა ალჟირელმა ფეხბურთელმა ჟურნალისტებს შერეულ ზონაში. ამჟამად „მარსელი“ სატურნირო ცხრილში მე-4 ადგილზეა და დროებით ორი ქულით ჩამორჩება მესამე ადგილზე მყოფ „ლიონს“.