არტეტა ასპარეზობით კმაყოფილია - „არსენალის“ ისტორიული მიღწევა ინგლისის თასზე

„არსენალის“ მთავარმა მწვრთნელმა მიკელ არტეტამ BBC-სთან კომენტარი გააკეთა: „ძალიან კარგად დავიწყეთ. ბევრი ცვლილება განვახორციელეთ, რადგან ზოგიერთ ფეხბურთელს სათამაშო წუთები სჭირდებოდა და იმსახურებდა კიდეც. ძალიან კმაყოფილი ვარ, თუ როგორ დავიწყეთ თამაში, რა ინტენსივობა ვაჩვენეთ, რა კავშირები გვქონდა მოთამაშეებს შორის და რა საფრთხეს ვქმნიდით. პირველმა ტაიმმა, რა თქმა უნდა, დიდი სხვაობა შექმნა.“ რამდენი ცვლილების შემდეგ არანაირი სირთულე არ შეგქმნიათ? „რამდენიმე განსხვავებული რამ ვცადეთ, რადგან ზოგიერთი მოთამაშე ხელმისაწვდომი არ იყო. ძალიან კმაყოფილი ვარ, რადგან ფეხბურთელებმა შესანიშნავად ითამაშეს.“ გაბრიელ ჟესუსისა და ვიქტორ გიოკერეშის ერთად თამაშზე, პირველად: „ძალიან კარგი. გვქონდა შესაძლებლობა, განსხვავებული რამ და განსხვავებული კავშირები გამოგვეცადა. დარწმუნებული ვარ, სეზონის ბოლომდე მათ ერთად გამოვიყენებთ.“ კრისტიან ნორგაარდის თამაშზე: „ის კვლავ გამორჩეული იყო. არ მიკვირს. ის, თუ როგორ ემზადება, როგორ ვარჯიშობს ყოველდღე და როგორ ზრუნავს საკუთარ თავზე და თანაგუნდელებზე... როცა ეს ასეა, ნებისმიერ კონტექსტში შეგიძლია ითამაშო. ძალიან კმაყოფილი ვარ მისით.“ იცით თუ არა? „არსენალი“ გახდა პრემიერ ლიგის პირველი გუნდი (1992-93 წლების სეზონიდან), რომელმაც ინგლისის თასის მატჩის პირველ 30 წუთში ოთხი გოლი გაიტანა. „მეთოფეებმა“ ინგლისის თასის მეხუთე რაუნდს 2019-20 წლების სეზონის შემდეგ პირველად მიაღწიეს, როდესაც მათ ტურნირი მოიგეს. ეს არის ხუთწლიანი პერიოდის დასასრული, როცა ისინი ამ ეტაპზე ვერ გადიოდნენ, რაც მათი ყველაზე გრძელი პერიოდია მეორე მსოფლიო ომის შემდეგ. გაბრიელ მარტინელი არის პირველი ფეხბურთელი, რომელმაც 10-ზე მეტი გოლი გაიტანა თასის/ევროპულ ტურნირებზე „არსენალის“ შემადგენლობაში ერთ სეზონში იან რაიტის შემდეგ (1994-95 წლებში, 12 გოლი).