"ბარსელონამ" განაცხადა, რომ დამატებითი ადგილები, რომელთა გახსნასაც სეზონის დასრულებამდე აპირებს "კამპ ნოუს" პირველ და მეორე იარუსში, ექსკლუზიურად კლუბის წევრებს დაეთმობა. "ბლაუგრანას" სტადიონის სამი მხარე ამჟამად ღია აქვს, თუმცა მეოთხე ტრიბუნის გასახსნელად კვლავ ელოდება ბარსელონის საქალაქო საკრებულოსგან "მწვანე შუქს". კატალონიურმა კლუბმა ხუთშაბათს გაავრცელა განცხადება, რომლის მიხედვითაც, პირველ ორ იარუსში დარჩენილ 14 000 ადგილს ექსკლუზიურად წევრებს დაუთმობდა. "ბარსელონა" ამჟამად ელოდება საკრებულოს ნებართვას "კამპ ნოუს" ხელახალი გახსნის "ფაზა 1C"-სთვის, რაც სტადიონის მეოთხე მხარის გახსნას გულისხმობს, მაშინ როდესაც ამჟამად მხოლოდ სამი ტრიბუნაა აქტიური. კლუბი თავის განცხადებაში აღნიშნავს, რომ ამ ლიცენზიის მიღებას მარტის დასაწყისში იმედოვნებს. "ბარსელონა" წევრებს აღნიშნული სექციისთვის სეზონურ ნაწილობრივ აბონემენტს შესთავაზებს, რომლის ფასიც 160-დან 240 ევრომდე იქნება. "ბლაუგრანას" მარტის დასაწყისიდან სეზონის ბოლომდე ექვსი საშინაო მატჩი აქვს დარჩენილი ლა ლიგაში, მათ შორის "ელ კლასიკო". გაურკვეველია, შეძლებს თუ არა "ბარსელონა" "მწვანე შუქის" მიღებას ესპანეთის თასის ნახევარფინალისთვის მადრიდის "ატლეტიკოს" წინააღმდეგ 4 მარტს, როდესაც გუნდს გულშემატკივრების მხარდაჭერა ძალიან დასჭირდება 4:0 ანგარიშის ამოსაქაჩად. არსებული ინფორმაციით, საკრებულო ხუთშაბათს აპირებდა ინსპექციის ჩატარებას, და გაურკვეველია, ჩატარდა თუ არა ის განცხადების გაკეთების მომენტისთვის, თუმცა როგორც ჩანს, ისინი ჯერ მზად არ არიან. დამატებით დეტალებს ავრცელებს "კატალუნია რადიო", რომელიც განმარტავს, რომ ერთ-ერთი ძირითადი პრობლემა, რაც "ბარსელონას" 1C ლიცენზიის მოპოვებაში ხელს უშლის, ქუჩაზე გასასვლელი ჭიშკრების დამონტაჟებაა, რომლებიც ჯერ კიდევ დასამონტაჟებელია. "ბარსელონას" შეუძლებლობა, გახსნას "გოლ ნორდის" ტრიბუნა, თითოეულ მატჩზე 1 მილიონი ევროს სავარაუდო დაკარგულ სარგებელთან არის დაკავშირებული. ეს არის შემოსავალი, რომელსაც კლუბი დაკარგავს თებერვალში დარჩენილ ორ საშინაო მატჩში "ვილიარეალისა" და "ლევანტეს" წინააღმდეგ. ეს არის ბიუჯეტს გადაჭარბებული სარემონტო სამუშაოების ბოლო შეფერხება.