ჩეილ სონენი: ალექს პერეირა თეთრი სახლის UFC-ზე სირილ განთან ერთად, მძიმე წონის ქამრისთვის იჩხუბებს

UFC-ის აღმასრულებელმა დირექტორმა, დანა უაითმა განაცხადა, რომ ივნისში, თეთრ სახლში დაგეგმილი UFC-ის ღონისძიების ორთაბრძოლების სია (მატჩკარტი) უკვე მზადაა, თუმცა ბრძოლების შესახებ ოფიციალური განცხადებები ჯერ არ გაკეთებულა. ვინ მოხვდება ამ ისტორიულ მატჩკარტზე, მას შემდეგ ვარაუდობდნენ, რაც პრეზიდენტმა დონალდ ტრამპმა განაცხადა, რომ თეთრი სახლის სამხრეთი გაზონი UFC-ის ღონისძიებას უმასპინძლებდა ამერიკის 250 წლისთავის აღსანიშნავად. UFC-ის ტიტულის ყოფილ პრეტენდენტს და ინდუსტრიის ინსაიდერ ჩეილ სონენს მიაჩნია, რომ ერთი მებრძოლი უდავოდ იასპარეზებს ამ ღონისძიებაზე. „დიდი თავდაჯერებულობით გეტყვით, რომ ალექს პერეირა თეთრი სახლის მატჩკარტზე იქნება“, – განაცხადა სონენმა თავის YouTube არხზე. „კითხვა ისმის, ვის წინააღმდეგ? ალექს პერეირა მსოფლიოს (ქვემსუბუქი წონის) ჩემპიონია, მაგრამ არანაირი საუბარი არ მიდის ალექსსა და [კარლოს] ულბერგზე. 205 ფუნტში არავინაა სხვა, ვისაც აზრი ექნებოდა. ამიტომ, მჯერა, რომ ალექსი გამოვა და თეთრი სახლის მატჩკარტზე მძიმეწონოსანი იქნება. ასევე მჯერა, რომ ის სირილ განის წინააღმდეგ იჩხუბებს.“ სონენი არა მხოლოდ ფიქრობს, რომ პერეირა მძიმე წონის ყოფილ დროებით ჩემპიონს დაუპირისპირდება, არამედ მიაჩნია, რომ ეს ბრძოლა ჩემპიონობისთვის იქნება. და თუ ასე იქნება, ის ფიქრობს, რომ პერეირამ ქვემსუბუქი წონის ქამარი უნდა დათმოს. „ასევე მჯერა, რომ თუ მოქმედ მსოფლიო ჩემპიონს წონის კატეგორიას შეუცვლი და ის იჩხუბებს, ეს უბრალოდ ასე არ იქნება. ეს იქნება ქამრისთვის, სწორედ აქედან მოდის დროებითი ტიტულის იდეა“, – თქვა მან. „თუ პერეირა მძიმე წონაში გადავა, მაშინ ის მძიმეწონოსანი უნდა იყოს. არ მგონია, პერეირა არ დამეთანხმოს. არ მგონია, პერეირას პრობლემა შეექმნას 205 ფუნტის ქამრის დაბრუნებასთან დაკავშირებით“, – განაგრძო სონენმა. „მე ნამდვილად ვფიქრობ, თუ ალექსი და სირილი იჩხუბებენ, იქ ქამარი უნდა იყოს. ის პოტენციურად ხუთი რაუნდისთვის უნდა დაიგეგმოს. პერეირა მსოფლიოს ჩემპიონია. თუ მსოფლიოს ჩემპიონი იჩხუბებს, მსოფლიოს ჩემპიონატი უნდა იყოს სასწორზე. ეს შეიძლება იყოს დროებითი.“