დეონტე უაილდერმა ბრაიან კასტერთან ვრცელ ინტერვიუში ისაუბრა კრივში მოახლოებულ დაბრუნებაზე, ასევე განაგრძო ბრალდებები ტაისონ ფიურის წინააღმდეგ, რომ მან წარსულ მატჩებში მოატყუა. საათიანი ინტერვიუს განმავლობაში უაილდერი ბევრ სხვადასხვა საკითხზე საუბრობდა და ემოციები პიკს მიაღწია, როდესაც მას 2026 წლის გეგმებზე და ენტონი ჯოშუასთან ბრძოლით დაინტერესებაზე ჰკითხეს. „მე ყოველთვის მზად ვიყავი“, – თქვა უაილდერმა ჯოშუასთან ბრძოლაზე. „ეს ის კითხვაც კი არ არის, რაც უნდა დამისვა. როგორც უკვე ვთქვი, სანამ მე ამ ბიზნესში ვარ და ისიც ამ ბიზნესშია, რატომაც არა? წარსული სიტუაციების გამო პოსტტრავმული სტრესული აშლილობა მაქვს, მაგრამ ამისთვის სპეციალისტს მივმართე. ეს ახლა სხვა დროა, მოგეხსენებათ. უბრალოდ მოუთმენლად ველოდები, როგორი გახდება კრივი, საითკენ წავა ის, რადგან მე დავბრუნდი და ჩემ გარეშე წვეულება არ შედგება.“ „ერთი მათგანი [ტაისონ ფიური] ნარკომანია, ის ნამდვილად ისუნთქავს კოკაინს და მსგავს რაღაცეებს, ამბობს, რომ ჩემთვის ილოცებს. შენ შენი თავისთვის უნდა ილოცო. შენ ხარ კოკაინის მომხმარებელი. შენ ხარ ის, ვინც ქრისტიანობას იარაღად იყენებ... ვიცი, რომ ის სხვა ღმერთს ემსახურება. ამიტომ ვიცი, რომ ის არ ემსახურება ისეთს, როგორსაც ჩვენ... ისინი ძარცვავენ და იპარავენ. მოდი, შენ ატყუებ. მე აგამაღლე და შენი ოჯახი გამოვკვებე... შენ აპირებ მოატყუო ის კაცი, ვინც მართლა აგამაღლა?! შენი აზრით, ეს ქრისტესგანაა?“ „ეს ქრისტესგან არ არის და ნებისმიერი, ვინც იმ დროს მას დაეთანხმა, დაიწვებით მასთან ერთად ჯოჯოხეთში. მინდა, რომ წინა რიგში გქონდეთ პლაჟის სკამი. ისეთი, რომელზეც პლასტმასია და როცა გაცხელდება, გადნებით და ჩაიძირებით, და როცა რკინა გეცემათ, ვერ ადგებით, თითქოს უნიტაზი გწოვთ და უბრალოდ იჯდებით იქ და იწვებით – იწვებით, იწვებით, იწვებით, რადგან თქვენმა სიძულვილმა და ზიზღმა ჩემს მიმართ, მოგცათ საშუალება ყურადღება მიაქციოთ ნამდვილ ეშმაკს, მანიპულაციას... მაგრამ, ასეა თუ ისე...“ უაილდერი შემდეგ კვლავ ჯოშუას შესახებ კითხვას დაუბრუნდა, რაზეც მან დაადასტურა თავისი სურვილი, საბოლოოდ ეს ბრძოლა განხორციელდეს, და დაასაბუთა, რომ როგორც კი მსოფლიო ჩემპიონის სტატუსს დაიბრუნებს, ყველა საუკეთესო მებრძოლს მოუნდება მასთან შეხვედრა.