დორტმუნდის „ბორუსიას“ ჩემპიონთა ლიგის პლეი-ოფის პირველ მატჩამდე, რომელიც სამშაბათს „ატალანტას“ წინააღმდეგ გაიმართება, დაცვის ხაზში პრობლემები აქვს. ტრავმების გამო მოედანს მიღმა რჩებიან ნიკო შლოტერბეკი, ნიკლას ზიულე, ემრე ჯანი და ფილიპო მანე. გერმანული გამოცემა Ruhr Nachrichten-ის ცნობით, „შავ-ყვითლებმა“ ტრავმების კრიზისზე რეაგირება მოახდინეს და გუნდს B სიიდან სამი ახალგაზრდა ფეხბურთელი დაუმატეს. პარასკევს, „მაინცთან“ ბუნდესლიგის 4:0 მოგებულ მატჩში, ზიულეს ნაცვლად მოედანზე გამოსული ლუკა რეჯიანი, გავრცელებული ინფორმაციით, გუნდს თანაგუნდელ მცველ ელიას ბენკარასთან და ნახევარმცველ დანილო კრევსუნთან ერთად შეუერთდა. BVB-სა და „ატალანტას“ შორის სამშაბათის დაპირისპირება „სიგნალ იდუნა პარკზე“ თბილისის დროით 23:00 საათზე დაიწყება (CET 21:00).