ჯექსონ ჰეიზმა სლოვენიის ნაკრებში ლუკა დონჩიჩთან ერთად თამაშის უფლება მოიპოვა

მას შემდეგ, რაც ლუკა დონჩიჩი შარშან „დალას მავერიქსიდან“ „ლოს-ანჯელეს ლეიკერსში“ ტრეიდის შედეგად გადავიდა, ის სწრაფად დამეგობრდა „ლოს-ანჯელესის“ სათადარიგო ცენტრ ჯექსონ ჰეიზთან. მეგობრობა იმდენად განვითარდა, რომ დუომ სლოვენიის ნაკრებში ერთად თამაშზეც კი ისაუბრა. NBA-ის ინსაიდერის, ბრაიან ვინდჰორსტის ინფორმაციით, ჰეიზი ახლა ოფიციალურად უფლებამოსილია, სლოვენიისთვის იასპარეზოს. „ჯექსონ ჰეიზმა დაასრულა საბუთები, რათა სლოვენიელი გამხდარიყო“, – თქვა ვინდჰორსტმა. „მას შეუძლია შეუერთდეს სლოვენიის ეროვნულ ნაკრებს ლუკასთვის, რაც, ჩემი აზრით, ერთ-ერთი ყველაზე ჭკვიანური ნაბიჯია, რაც ჯექსონ ჰეიზს ოდესმე გადაუდგამს, რადგან ვფიქრობ, მან ფარულად მოაწერა ხელი კონტრაქტის გახანგრძლივებას“. როგორც ვინდჰორსტი აღნიშნავს, დონჩიჩსა და ჰეიზს შორის მეგობრობის გათვალისწინებით, დიდია ალბათობა, რომ „ლეიკერსი“ ამ სეზონის შემდეგაც შეინარჩუნებს მას სწორედ ამ ურთიერთობის გამო. აღარაფერს ვამბობთ იმაზე, რომ იმ თანხის სანაცვლოდ, რასაც ის გამოიმუშავებს ($3.4 მილიონი), ჰეიზი ცუდი შენაძენი არ ყოფილა. ამ სეზონში „ლოს-ანჯელესისთვის“ ჩატარებულ 45 თამაშში, ის საშუალოდ 6.9 ქულას, 3.9 მოხსნას და ერთ ასისტს აგროვებს. ჰეიზი ასევე სარგებლობს დონჩიჩისა და ლებრონ ჯეიმსის შესანიშნავი პასის უნარით, მას კარიერულად საუკეთესო 77.2% აქვს თამაშიდან, რადგან დუო მას მარტივი ჩაგდებების მოძებნაში ეხმარება ფარქვეშ. სანამ ჰეიზი შეძლებს „ლოს-ანჯელესის“ ბურთის მმართველებთან ერთად პიკ-ენ-როლის კარგად თამაშს, მას ექნება შესაძლებლობა, ეფექტური იყოს „ლეიკერსის“ შეტევაში. თუმცა, მისი 7 ფუტის სიმაღლის (213 სმ) მიუხედავად, ჰეიზს დაცვაში ცოტა უკეთ შეეძლო თამაში, რადგან შვიდი სეზონის განმავლობაში არასდროს ჰქონია საშუალოდ ერთი ან მეტი ბლოკი. ასეა თუ ისე, როგორც ჩანს, ჰეიზი შესაძლოა, „ლეიკერის“ მოთამაშედ დარჩეს მრავალი სეზონის განმავლობაში. დონჩიჩი და ჰეიზი მოედანს „ყველა ვარსკვლავის მატჩის“ შესვენების შემდეგ, 20 თებერვალს, „ლოს-ანჯელეს კლიპერსის“ წინააღმდეგ დაუბრუნდებიან.