„იუვენტუსის“ თავდამსხმელი ჯონათან დევიდი ხვალინდელ ჩემპიონთა ლიგის მატჩს „გალათასარაის“ წინააღმდეგ საზარდულის ტრავმის გამო გამოტოვებს. „იუვენტუსი“ სტამბოლში „გალათასარაისთან“ დასაპირისპირებლად კანადელი ვარსკვლავის, დევიდის გარეშე გაემგზავრა. „ლილის“ ყოფილი თავდამსხმელი არ არის „ბიანკონერის“ განაცხადში, რომელიც რამდენიმე წუთის წინ გამოქვეყნდა. Sky Sport Italia-ს ცნობით, დევიდი საზარდულის ტრავმის გამოა გამოკლებული. დევიდი შაბათს „ინტერთან“ სტუმრად გამართულ მატჩში მეორე ტაიმში შეცვალეს, რაც ტაქტიკურ ცვლილებას ჰგავდა. დუშან ვლახოვიჩი და არკადიუშ მილიკი ასევე ვერ ითამაშებენ მომავალ ევროპულ დაპირისპირებაში, ამიტომ სტამბოლში „ბებერი ქალბატონის“ ერთადერთი ცენტრფორვარდი ლუის ოპენდა იქნება. დევიდმა „იუვენტუსის“ შემადგენლობაში სერია A-ს ბოლო რვა მატჩი სასტარტოში დაიწყო. მან ამ სეზონში ყველა ტურნირზე 34 მატჩში შვიდი გოლი გაიტანა და ხუთი საგოლე გადაცემა გააკეთა, მათ შორის ორი ჩემპიონთა ლიგაში. ხვალ, სამშაბათს, 17 თებერვალს, „იუვენტუსი“ „გალათასარაის“ ჩემპიონთა ლიგის პლეი-ოფის პირველ მატჩში ესტუმრება. „იუვენტუსმა“ ასევე გამოაქვეყნა განაცხადი ხვალინდელი ჩემპიონთა ლიგის მატჩისთვის თურქეთში.