ამ თვის დასაწყისში ნიუ-იორკის ქუჩის მოდის გიგანტმა Kith-მა და adidas Football-მა 2025 წლის შემოდგომის კოლექცია წარადგინეს, რომლის სახეებიც პოლ პოგბა და პაულო დიბალა იყვნენ. კოლექციაში წარმოდგენილი იყო ცეცხლის მოტივები, მკვეთრი ზოლები, ჯინსის შთაგონებით შექმნილი გარე ტანსაცმელი და სხვა – ფეხბურთის მემკვიდრეობისა და ქუჩის სტილის თამამი შერწყმა. ახლა კი Adidas-ის პროდუქტის კრეატივის ვიცე-პრეზიდენტმა, სემ ჰენდიმ, ფეხსაცმლის მოყვარულებისთვის რაღაც განსაკუთრებული დააანონსა: იშვიათი F50 Spider x Kith Friends & Family გამოცემა. ამის შესახებ ინფორმაცია სემ ჰენდიმ თავის ინსტაგრამ გვერდზე გააზიარა (@samhandy). F50 Spider პირველად 2004 წელს გამოვიდა და მას შემდეგ კოლექციონერების საყვარელ მოდელად იქცა. ამ ახალი ვერსიისთვის ბუცები განახლდა ყავისფერი ტექსტილის საფუძვლით, რომელიც დაფარულია თვალშისაცემი ქსელისებრი ნიმუშიანი შრით, ხოლო ენის გადასაფარებლები დამზადებულია თეთრი გველის კანის სტილის მასალისგან, რომელზეც Kith-ისა და Kin-ის ორმაგი ბრენდინგია დატანილი. რეტრო სტილის ქუსლის კლიპი განახლებულია SPRINTFRAME 360 ტექნოლოგიით თანამედროვე პერფორმანსისთვის, ხოლო წარწერა „Kith“ ბუცის შუა ნაწილში Adidas-ის პერფორმანსის ლოგოს გვერდით არის განთავსებული. თუმცა, არის ერთი „მაგრამ“: ისინი გასაყიდად არ არის განკუთვნილი. F50 Spider x Kith დადასტურებულია, როგორც Friends & Family ექსკლუზივი, რაც იმას ნიშნავს, რომ თუ რონი ფიეგის (Ronnie Fieg) ახლო წრეში არ ხართ, ეს „გრაალის დონის“ ბუცები თქვენთვის მიუწვდომელი დარჩება.