ლა ლიგამ ანტი-ძალადობის კომისიას შეატყობინა „ვალენსიას“ ფეხბურთელ ერაი ჯომერთისთვის ბოთლის სროლის ფაქტი, რომელიც გასულ უქმეებზე „სიუტატ დე ვალენსიაზე“ „ლევანტესთან“ დერბის შემდეგ მოხდა. ანგარიში ასევე მოიცავს სხვა ნივთების სროლისა და პეპელუს წინააღმდეგ სკანდირების („პეპელუ ვირთხაა“) შესახებ საჩივრებს, რომლებიც მატჩის დირექტორმა დააფიქსირა. „ადგილობრივმა გულშემატკივრებმა, რომლებიც გასახდელების გვირაბთან, ტრიბუნაზე იყვნენ განლაგებულნი, სტუმარი გუნდის ფეხბურთელების გასახდელებში შესვლის მომენტში თავსახურიანი ბოთლები ისროლეს, ამ ბოთლებიდან ერთ-ერთი კი სტუმარი გუნდის ფეხბურთელს (ერაი ჯომერთს) მოხვდა.“ ანგარიშში ასევე დეტალურად არის აღწერილი, თუ რა მოხდა ორი წუთით ადრე, იმ ჩხუბის დროს, რომელიც „ვალენსიას“ ფეხბურთელის კუთხის ალმით აღნიშვნის შემდეგ დაიწყო. „ადგილობრივმა გულშემატკივრებმა, რომლებიც სტუმარი გულშემატკივრების სექტორთან, ანუ „გოლ ალბორაიასა“ და „გრადა ლატერალს“ შორის კუთხეში იმყოფებოდნენ, ამ ტერიტორიისკენ რამდენიმე წყლის ბოთლი ისროლეს, რამაც ეროვნული პოლიციის ჩარევა გამოიწვია.“ მატჩის ოფიციალურმა პირმა ასევე აღნიშნა, რომ „პეპელუ ვირთხაა“ სკანდირება, რომელიც „ვალენსიას“ ფეხბურთელის მიმართ იყო მიმართული, რვა სხვადასხვა შემთხვევაში ისმოდა.