მარკ კიუბანის განცხადებით, NBA დიდი ხანია შეცდომაშია, როცა ფიქრობს, რომ გულშემატკივრებს სურთ თავიანთი გუნდების ყოველღამე გამარჯვებისთვის მებრძოლად ხილვა. მისი თქმით, ასე არასდროს ყოფილა. „როდესაც მე NBA-ში მოვედი, მათ ეგონათ, რომ საკალათბურთო ბიზნესში იყვნენ. ასე არაა. ისინი გულშემატკივრებისთვის შთამბეჭდავი გამოცდილების შექმნის ბიზნესში არიან. ცოტას თუ ახსოვს ბოლო ნანახი ან დასწრებული თამაშის ანგარიში, ჩატენვები ან სროლები. რაც მათ ახსოვთ, ისაა, თუ ვისთან ერთად იყვნენ – ოჯახთან, მეგობრებთან, პაემანზე. სწორედ ეს ხდის გამოცდილებას განსაკუთრებულს,“ – განაცხადა კიუბანმა. გულშემატკივრებმა იციან, რომ მათ გუნდს ყველა თამაშის მოგება არ შეუძლია. მათ იციან, რომ მხოლოდ ერთ გუნდს შეუძლია ბეჭდის მოგება. გულშემატკივარს, რომელიც ზრუნავს თავისი გუნდის შედეგზე, იმედი სურს – იმედი, რომ გუნდი გაუმჯობესდება და მიიღებს შანსს პლეი-ოფებისთვის ბრძოლის, შემდეგ კი შესაძლოა ბეჭდის მოგების. ამ მიზანთან მიახლოების ერთადერთი გზა დრაფტია, ასევე გაცვლები და ხელფასების ლიმიტის ფარგლებში თავისუფალი ადგილი. თქვენ გაქვთ გაუმჯობესების უკეთესი შანსი სამივე გზით, როდესაც „ტანკინგს“ მიმართავთ. „ჩვენ ხშირად არ მიგვიმართავს „ტანკინგისთვის“ – 23 წლის განმავლობაში მხოლოდ რამდენჯერმე. მაგრამ როდესაც ამას ვაკეთებდით, ჩვენი გულშემატკივრები ამას აფასებდნენ. ამან მოგვიყვანა იქამდე, რომ შეგვეძლო გუნდის გაუმჯობესება, ლუკა დონჩიჩის ასაყვანად არჩევანის გაცვლა და ჩვენი გუნდის გაძლიერება,“ – დასძინა კიუბანმა. NBA-მ უფრო მეტად გულშემატკივართა გამოცდილებაზე უნდა იდარდოს, ვიდრე „ტანკინგზე“. მან უფრო მეტად უნდა იდარდოს იმაზე, რომ მაღალი ფასების გამო გულშემატკივრები ვეღარ ახერხებენ თამაშებზე დასწრებას, ვიდრე „ტანკინგზე“. იცით, ვის ყველაზე ნაკლებად აინტერესებს „ტანკინგი“? მშობელს, რომელსაც არ შეუძლია სამი შვილის თამაშზე მიყვანა და მათთვის საყვარელი მოთამაშის მაისურის ყიდვა. „ტანკინგი“ არ არის პრობლემა. პრობლემაა ხელმისაწვდომობა და თამაშის პრეზენტაციის ხარისხი. წყარო: Hoops Hype (x.com)