გუშინ, Prime Video-ს ეთერში, სადაც დორტმუნდის „ბორუსიას“ „ატალანტაზე“ 2:0 გამარჯვება გაშუქდა, მატს ჰუმელსს მიუნხენის „ბაიერნის“ ამჟამინდელი მდგომარეობის შესახებ ჰკითხეს. გერმანიის ნაკრების 2014 წლის მსოფლიო ჩემპიონმა, ცხადია, იგრძნო, რომ ვინსენტ კომპანის გუნდის მაღალი სტანდარტები ბოლო მატჩებში შესუსტდა. „ამჟამად „ბაიერნს“ ნაკლებად თავდაჯერებულად ვხედავ. რამდენიმე კვირის წინ, ისინი ჩემპიონთა ლიგის ტიტულის მოსაპოვებლად ჩემს სამ უმთავრეს ფავორიტს შორის იქნებოდნენ,“ – განაცხადა ჰუმელსმა და დასძინა – „ბოლო კვირებში ბევრი თამაში ვნახე, სადაც მათ აშკარად მოუკლეს“, რითაც შესაძლო შესუსტებაზე მიანიშნა. 37 წლის ფეხბურთელის არგუმენტები საინტერესო მოსასმენი იყო, იმის გათვალისწინებით, რომ იგი კარიერის სხვადასხვა ეტაპზე როგორც დორტმუნდს, ისე „ბაიერნს“ წარმოადგენდა. ამ მასალის დაწერის მომენტისთვის გუნდებს შორის მხოლოდ ექვსი ქულაა სხვაობა. BVB „ბავარიელებს“ შაბათს, 28 თებერვალს უმასპინძლებს, საჩემპიონო რბოლაში სხვაობის შემცირების მიზნით.