ოთხშაბათს, მილან-კორტინას ოლიმპიადაზე სლალომში ოქროს მედლის მოპოვების შემდეგ, გთავაზობთ ამერიკელი მოთხილამურე მიკაელა შიფრინის კარიერის მიმოხილვას, როგორც სათხილამურო ტრასაზე, ისე მის მიღმა: შიფრინის სარბოლო კარიერა მსოფლიო თასის ეგიდით 2011 წლის მარტში, ჩეხეთში, მის 16 წლის იუბილემდე ორი დღით ადრე დაიწყო. გიგანტურ სლალომში, ნომერი 46-ით გამოსვლისას, მან ვერ მოხვდა საუკეთესო 30-ში, რაც იმას ნიშნავდა, რომ მეორე გარბენისთვის ვერ კვალიფიცირდა. შიფრინმა პირველი პოდიუმი 2011 წლის დეკემბერში დაიკავა. ნომერი 40-ით გამოსვლისას, ის მესამე იყო თხილამურებით სრიალის ლეგენდების, ბავშვობის კერპის მარლის შილდისა და ტინა მაზეს შემდეგ. მისი 108 გამარჯვებიდან (და ეს რიცხვი იზრდება) პირველი ერთი წლის შემდეგ, 2012 წლის 20 დეკემბერს, შვედეთის ქალაქ არეში მოიპოვა. შიფრინმა თავი მსოფლიო ასპარეზზე 17 წლის ასაკში, 2013 წლის მსოფლიო ჩემპიონატზე ავსტრიის ქალაქ შლადმინგში სლალომში ოქროს მოგებით დააფიქსირა. „რასაც დღეს მთაზე ვაკეთებდი... უბრალოდ თხილამურებით სრიალი, ცეკვას ან ფრენას ჰგავს,“ – თქვა შიფრინმა. „ამას მრავალი გზით აღვწერ, მაგრამ ეს უბრალოდ არის და ჩემთვის მუშაობს.“ შიფრინი გახდა ყველაზე ახალგაზრდა ოლიმპიური სლალომის ჩემპიონი, როდესაც 2014 წლის სოჭის თამაშებზე თავიდან ბოლომდე უპირატესობით გაიმარჯვა. „ეს იქნება ერთ-ერთი ჩემი საყვარელი გამოცდილება ჩემი ცხოვრების ბოლომდე,“ – თქვა შიფრინმა. „მაგრამ ჩემი ცხოვრება ჯერ არ დასრულებულა.“ შიფრინმა მეორე ოლიმპიური ოქრო მოიპოვა, როდესაც 2018 წლის პიონგჩანგის თამაშებზე გიგანტურ სლალომში გაიმარჯვა, ასევე ვერცხლი კომბინაციაში. „არ მგონია, რომ ეს უფრო ადვილი ხდება, მაგრამ ვფიქრობ, მას შეუძლია ღრმად ჩაისუნთქოს და თქვას: „წნეხი ოდნავ მოეხსნა.“ შესაძლოა,“ – თქვა მისმა მამამ, ჯეფ შიფრინმა. შიფრინის მამა ექვსი წლის წინ, ამ თვეში, 2020 წლის 2 თებერვალს, 65 წლის ასაკში, კოლორადოში, საოჯახო სახლში მომხდარი უბედური შემთხვევის შედეგად გარდაიცვალა. ის იყო ანესთეზიოლოგი, რომელიც თავის კლინიკურ მეცნიერებათა ცოდნას ეყრდნობოდა, რათა მიკაელას ორიგინალური ვარჯიშისა და წვრთნის მეთოდების შემუშავებაში დახმარებოდა. ის ხშირად რჩებოდა რბოლების ფონზე კამერით კისერზე და უღებდა ქალიშვილს სურათებს. შიფრინი ევროპიდან სახლში გაფრინდა, რათა მწუხარების პერიოდი დაეწყო. რამდენიმე კვირის განმავლობაში რბოლების გამოტოვებისა და საერთო რეიტინგში ლიდერობის დაკარგვის შემდეგ, მისი დაგეგმილი დაბრუნება COVID-19-ის პანდემიამ შეაჩერა, რამაც სეზონი დაასრულა. მის მამის სახელზე დაარსდა ახალგაზრდა მოთხილამურეების დასახმარებელი ფონდი – „ჯეფ შიფრინის სპორტსმენთა გამძლეობის ფონდი“. შიფრინი 2022 წლის პეკინის ოლიმპიადის ვარსკვლავად ითვლებოდა, მედლის იმედებით ქალთა ყველა ხუთ დისციპლინაში. შემდეგ მომხდარი მისთვისაც კი გაუგებარი იყო. შიფრინი გიგანტურ სლალომსა და სლალომში თითოეული გარბენიდან რამდენიმე წამში გამოეთიშა, არ იბრძოდა მედლისთვის დაშვებასა და სუპერ-გიში, და ვერ დაასრულა სლალომი ალპურ კომბინაციაში. გუნდური შეჯიბრის ჩათვლით, მან 6-დან 0 მედალი მოიპოვა. 2023 წლის იანვარში, შიფრინმა იტალიის კრონპლაცის კურორტზე გიგანტურ სლალომში მოიპოვა თავისი 83-ე მსოფლიო თასის გამარჯვება, რითაც მოხსნა თანამემამულე ამერიკელი მოთხილამურე ლინდსი ვონის რეკორდი. „არ მგონია, რომ სიტყვები არსებობდეს ყველა განცდის ასახსნელად,“ – თქვა შიფრინმა. „ბოლოს ისეთი შეგრძნებაა, თითქოს ძალიან ბევრი მღელვარებაა საგრძნობი. არ ვიცი, რამდენად გასაგებია ეს. ასე რომ, ეს რაღაც აუხსნელია. ამიტომ ვცდილობ ცოტა ვისუნთქო და დავტკბე.“ ორი თვის შემდეგ, შიფრინმა 87-ე გამარჯვება მოიპოვა და ინგემარ სტენმარკს გადაუსწრო, რითაც ნებისმიერი მოთხილამურისთვის (ქალი თუ მამაკაცი) მსოფლიო თასის ყველაზე მეტი გამარჯვების რეკორდი დაამყარა. 2024 წლის იანვარში, შიფრინს კორტინას ტრასაზე კარიერაში ყველაზე დიდი დაშვებისას მოუვიდა ავარია, როდესაც მაღალი სიჩქარით შეეჯახა უსაფრთხოების ბადეებს და ვერტმფრენით იქნა ევაკუირებული ტრასიდან. მან დაიზიანა მუხლის შიდა გვერდითი იოგი (MCL) და წვივ-მალების იოგი მარცხენა მუხლში. 2024 წლის აპრილში, შიფრინმა და მისმა კოლეგა, გამორჩეულმა მოთხილამურე ალექსანდერ აამოდტ კილდემ ნიშნობის შესახებ გამოაცხადეს. წყვილს ქორწილის თარიღი არ დაუსახელებია. 2024 წლის ნოემბერში, შიფრინმა ვერმონტის ქალაქ კილინგტონში გიგანტურ სლალომში მომხდარი ავარიის დროს მუცლის არეში ღრმა გამჭოლი ჭრილობა მიიღო. თვეების შემდეგ მან განაცხადა, რომ პოსტტრავმული სტრესული აშლილობისგან იტანჯებოდა. ოლიმპიადის დაწყებამდე ცოტა ხნით ადრე, შიფრინმა გაამხილა, თუ რატომ არ იყო მისი დედა და მწვრთნელი, ეილინ შიფრინი, მსოფლიო თასის ამ სეზონის დასაწყისში. მას კიბოს დიაგნოზი დაუსვეს და ექვსკვირიანი მკურნალობა ჩაუტარდა. ოთხშაბათს, შიფრინმა ოლიმპიური სლალომი 1.50 წამით მოიგო, რითაც ზამთრის თამაშებზე მისი რვავეწლიანი უმედლობის სერია დაასრულა და აჩვენა, თუ რატომ ითვლება იგი ყველა დროის უდიდეს ალპურ მოთხილამურედ.