მილიონერი რეშფორდი „იკეაში“ - „ბარსელონას“ ვარსკვლავის მოულოდნელი არჩევანი

მარკუს რეშფორდი, შესაძლოა, 2025/26 წლების სეზონში „ბარსელონაში“ იჯარით ყოფნისას 12 მილიონ ფუნტს გამოიმუშავებდეს, მაგრამ მისი ავეჯის არჩევანი იმაზე მეტყველებს, რომ ის გასაკვირად მოკრძალებულია. იმ ხელფასის მიუხედავად, რომელიც მას საშუალებას მისცემს, ახალი ბინა მდიდრული ესპანური დიზაინის ავეჯით მოაწყოს, რეშფორდი ცოტა ხნის წინ ჩვეულებრივ საყიდლებზე... „იკეაში“ შენიშნეს. „მანჩესტერ იუნაიტედის“ იჯარით მყოფი ფეხბურთელი ქალაქის ცენტრში შვედური ავეჯის გიგანტის დახლებს შორის სლაიდერებით და „იკეას“ ცნობილი ლურჯი ჩანთით ხელში დააფიქსირეს. ეს მომენტი ფოტოზეც აისახა. გულშემატკივრებმა სწრაფად დაიწყეს ამ მომენტის აღნიშვნა, ერთ-ერთმა თვითმხილველმა The Sun-ს განუცხადა: „საოცარი იყო ასეთი ცნობილი მოთამაშის ნახვა „იკეას“ მსგავს მაღაზიაში. მას საკმარისი ფული აქვს, რომ იყიდოს ყველაფერი, რაც სურს, მაგრამ შესაძლოა, „იკეა“ მისთვის უფრო მარტივი ადგილი იყო, სადაც შეეძლო შეუმჩნევლად შესულიყო. „ბარსას“ გულშემატკივრებს უყვართ, როდესაც მათი ვარსკვლავები ასეთ რაღაცებს აკეთებენ.“ 27 წლის ფეხბურთელის „ბარსელონაში“ საიჯარო გადასვლა მოიცავს ოფციას, რომლის მიხედვითაც კატალონიურ გრანდს შეუძლია გარიგება მუდმივი გახადოს დაახლოებით 26 მილიონ ფუნტად. მას ამ დროისთვის ორი მატჩი აქვს ჩატარებული, მათ შორის ერთი სასტარტო შემადგენლობაში, მაგრამ ჯერ არ აქვს გოლი ან საგოლე გადაცემა. თუმცა, რეშფორდი კარგად და შედარებით მწვავედ გამოიყურებოდა, მისი გამოსვლები - და „ასტონ ვილაში“ გასული სეზონის ბოლოს ნაჩვენები ფორმა - საკმარისი აღმოჩნდა თომას ტუხელისთვის, რომ ის სექტემბრის საერთაშორისო მატჩებისთვის ინგლისის ნაკრებში დაებრუნებინა.