გერმანიის ფეხბურთის ფედერაციამ (DFB) მიუნხენის „ბაიერნი“ გულშემატკივრების მიერ ჩადენილი დარღვევების გამო, ორ საქმეზე ჯამში 68,750 ევროთი დააჯარიმა. პირველი შემთხვევა 18,750 ევროს ჯარიმას მოიცავს, 21 დეკემბერს „ჰაიდენჰაიმთან“ მატჩში მინიმუმ 15 პიროტექნიკური მოწყობილობის გამოყენებისთვის. მეორე, 50,000 ევროს ჯარიმაა, 25 ოქტომბერს „ბორუსია მენხენგლადბახის“ წინააღმდეგ მატჩში მინიმუმ 50 პიროტექნიკური მოწყობილობის გამოყენებისთვის. ბავარიულ კლუბს ამ ინციდენტებთან დაკავშირებით განცხადება ჯერ არ გაუკეთებია, თუმცა სავარაუდოდ, ჯარიმების გადახდას მაინც დათანხმდება. „ბაიერნმა“ მიმდინარე სეზონში ჩემპიონთა ლიგაზეც უკვე მიიღო მნიშვნელოვანი ჯარიმები ფანების დარღვევებისთვის „სპორტინგ ლისაბონისა“ და „არსენალის“ წინააღმდეგ მატჩებში. კლუბის ფანების წინააღმდეგ მიღებულმა სანქციებმა იანვარში, „იუნიონ სენ-ჟილუაზთან“ მატჩზე მთელი „ზუდკურვეს“ დახურვაც კი გამოიწვია.