ტელეკომპანია NBC, რომელიც NBA-ის მატჩებს 2001-02 წლების სეზონის შემდეგ პირველად გადასცემს, Nielsen-ისა და Adobe Analytics-ის მონაცემებით, საშუალოდ 2.6 მილიონ მაყურებელს აგროვებს. ეს მაჩვენებელი გასულ წელთან შედარებით 97%-ით არის გაზრდილი, როდესაც ანალოგიურ პერიოდში თამაშები ძირითადად TNT-ზე გადიოდა. (აღნიშნული საშუალო მაჩვენებლები არ მოიცავს იმ მატჩებს, რომლებიც ექსკლუზიურად Peacock-ზე გადის, რადგან Peacock Nielsen-ის რეიტინგებში არ შედის.) ESPN/ABC-ის მაყურებლის რაოდენობა საშუალოდ 2.06 მილიონს შეადგენს, რაც 18%-იან ზრდას ნიშნავს. მიმდინარე სეზონში, ყველაზე მაღალი მაყურებლის მქონე ათი ტრანსლაციიდან ხუთი სწორედ ამ ქსელებს ეკუთვნის. აღსანიშნავია, რომ ყველა ეს მატჩი საშობაო დღესასწაულზე გავიდა. მათ შორის არის სამი ყველაზე პოპულარული და ყურებადი მატჩი: „სან ანტონიო სპურსი“-„ოკლაჰომა სიტი თანდერი“ (6.71 მილიონი მაყურებელი), „კლივლენდ კავალიერსი“-„ნიუ-იორკ ნიქსი“ (6.37 მილიონი მაყურებელი) და „დალას მავერიკსი“-„გოლდენ სტეიტ უორიორსი“ (6.11 მილიონი მაყურებელი). წყარო: Sports Media Watch (ინფორმაცია თავდაპირველად Hoops Hype-ზე გამოქვეყნდა).