თუ ოდესმე ყოფილა სეზონი, როდესაც ჯეილენ ბრაუნს NBA-ის ყველაზე ღირებული მოთამაშის (MVP) ჯილდოს მოგების შანსი ექნებოდა, ეს 2025-26 წლების რეგულარული სეზონი იქნებოდა, იმ საოცრებათა გათვალისწინებით, რასაც აშშ-ის ჯორჯიის შტატიდან წარმოშობილი მოთამაშე „ბოსტონ სელტიკსის“ შემადგენლობაში აჩვენებს. მისი თანაგუნდელის, ჯეისონ ტატუმის, არყოფნის პირობებში – რომელიც 2025 წლის NBA-ის აღმოსავლეთ კონფერენციის ნახევარფინალში „ნიუ-იორკ ნიქსის“ წინააღმდეგ მიღებული აქილევსის მყესის ტრავმისგან გამოჯანმრთელებას ცდილობს – ბრაუნმა MVP-ის ღირსი თამაში აჩვენა. თუმცა, იმისთვის, რომ ბრაუნმა ეს ჯილდო მართლაც მოიგოს, წლევანდელი MVP-ის რბოლაში მასზე წინ რამდენიმე ვარსკვლავია, მათ შორის ვიქტორ ვემბანიამა, ლუკა დონჩიჩი, იანის ანტეტოკუნმპო და ნიკოლა იოკიჩი. „დენვერ ნაგეტსის“ ვარსკვლავმა, ნიკოლა იოკიჩმა, რომელიც ბოლო წლებში ამ ჯილდოს დომინანტია, ყველა ვარსკვლავის კვირეულზე ბრაუნის პოზიციაზე ისაუბრა. „მას არ ჰყავს თავისი პარტნიორი [ტატუმი], მაგრამ ის მაინც ამტკიცებს, რომ შეუძლია გუნდის ლიდერობა და მაღალ დონეზე თამაშობს, ქულები მოაქვს“, - განაცხადა იოკიჩმა კალიფორნიის უნივერსიტეტის აღზრდილის გამორჩეული სეზონის შესახებ, მაშინ როცა ტატუმი გამოჯანმრთელებას ცდილობს. „ის ასევე ძალიან კარგი მცველია, ამიტომ მოედნის ორივე მხარეს თამაშობს“, - განაგრძო „ნაგეტსის“ ვარსკვლავმა. „როგორც ვთქვი, ვფიქრობ, მისი მრავალმხრივობა, რომ მას შეუძლია მოედნის ორივე მხარეს თამაში და ამავე დროს ქულების მოგროვება, დომინირება და საუკეთესო სამეულში ყოფნა (საუკეთესო ორეულში - რედ.). ვფიქრობ, ისინი აღმოსავლეთში სამეულში არიან – ასე რომ, ის მართლაც კარგი მოთამაშეა.“