მიმდინარე სეზონის ბოლომდე „ბაიერნიდან“ „შტუტგარტში“ იჯარით მყოფი ალექსანდერ ნიუბელის მომავალი გაურკვეველია. თუ მანუელ ნოიერი სეზონის ბოლოს კარიერის დასრულებას გადაწყვეტს, 29 წლის მეკარეს შეუძლია მიუნხენში დაბრუნდეს და „ბაიერნში“ ძირითადი მეკარის პოზიციისთვის იონას ურბიგთან იბრძოლოს. თუმცა, თუ ნოიერი კონტრაქტის ერთი წლით გაგრძელებას აირჩევს, ნიუბელი, სავარაუდოდ, ახალ გუნდს მოძებნის – იჯარით თუ მუდმივად. „შტუტგარტს“, რომელიც ბოლო სამი სეზონის განმავლობაში ნიუბელზე იყო დამოკიდებული, უკვე ჰყავს პოტენციური შემცვლელი: დენის ზაიმენი, რომელიც ამჟამად „პადერბორნშია“ იჯარით. ეს ნიუბელისთვის სხვაგან გადასვლას უფრო სავარაუდოს ხდის, ხოლო ინგლისის პრემიერ ლიგა მისთვის სასურველი მიმართულებების შორისაა, იუწყება Abendzeitung. თუმცა, ჯერჯერობით, ინგლისური კლუბებიდან კონკრეტული ინტერესი არ გამოვლენილა.