მანუელ ნოიერი ამჟამად მოედანს კუნთის ბოჭკოს გაწყვეტის გამოა მოშორებული და მიუნხენის „ბაიერნის“ მეკარე, როგორც ჩანს, გარკვეული პერიოდით ვერ ითამაშებს. Bild-ის ინფორმაციით, 39 წლის ფეხბურთელი სავარაუდოდ სამიდან ოთხ კვირას გამოტოვებს. ეს ნიშნავს, რომ ნოიერმა, შესაძლოა, „ბაიერნის“ ბუნდესლიგის მომდევნო ოთხი მატჩი გამოტოვოს: „აინტრახტ ფრანკფურტის“, „დორტმუნდის ბორუსიას“, „მიონხენგლადბახის ბორუსიასა“ და „ლევერკუზენის ბაიერის“ წინააღმდეგ. ვეტერანის არყოფნაში მოედანზე იონას ურბიგი გამოდის. ამ სეზონში 22 წლის ფეხბურთელმა „ბაიერნის“ მაისურით ყველა ტურნირზე რვა მატჩი ჩაატარა.