"ნოტინგემ ფორესტმა" დაადასტურა ვიტორ პერეირას დანიშვნა გუნდის ახალ მთავარ მწვრთნელად. პერეირა პრემიერ ლიგაში ბრუნდება "ვულვზიდან" გათავისუფლებიდან სამ თვეზე ცოტა მეტ ხანში, მაშინ როდესაც მისი ახალი კლუბი ცხრილის ქვედა ნაწილშია მოქცეული. პორტუგალიელი სპეციალისტი შონ დაიჩს შეცვლის, რომელიც ხუთშაბათს დილით გაათავისუფლეს თანამდებობიდან და ამ სეზონში "სითი გრაუნდისთვის" მეოთხე სამწვრთნელო დანიშვნაა. ირონიულია, რომ სწორედ ყოფილ დამსაქმებლებთან უგოლო ფრამ განაპირობა პერეირას საბოლოო დანიშვნა, რადგან ის ადრეც იყო სამიზნეში ენჯ პოსტეკოღლუს გათავისუფლების შემდეგ. "ფორესტმა" პერეირა დაიქირავა იმ ფონზე, როდესაც მიმდინარე სეზონის დასრულებამდე დარჩენილ 12 მატჩში ისინი პრემიერ ლიგის გასავარდნ ზონას მხოლოდ სამი ქულით უსწრებენ. 57 წლის სპეციალისტის პირველ თამაშში ის ნაცნობ მეტოქეს დაუპირისპირდება, როდესაც "ტრიკი თრიზ" ევროპა ლიგის პლეი-ოფის პირველ მატჩში "ფენერბაჰჩეს" შეხვდება.