პრემიერ ლიგის კლუბები გააფრთხილეს, რომ მექსიკელი ტინეიჯერი ხილბერტო მორა ამ ზაფხულს უზარმაზარი თანხა დაჯდება. ნახევარმცველმა ევროპის წამყვანი გუნდების ინტერესი მიიპყრო „ტიხუანაში“ მისი შთამბეჭდავი გამოჩენის შემდეგ. სულ რაღაც 17 წლისამ, მორამ „ტიხუანას“ შემადგენლობაში თითქმის 50 მატჩი ჩაატარა და გახდა თავისი ქვეყნის ყველაზე ახალგაზრდა საერთაშორისო დებიუტანტი. ის იყო მექსიკის ნაკრების წევრი, რომელმაც ზაფხულში ოქროს თასი მოიგო, რითაც გახდა ყველაზე ახალგაზრდა ფეხბურთელი, რომელმაც მოიგო საერთაშორისო ტურნირი. მსოფლიო ფეხბურთის უმსხვილესმა კლუბებმა, მათ შორის პრემიერ ლიგის გუნდებმა, ყურადღება მიაქციეს მას, მაგრამ მორას მსურველები გააფრთხილეს, რომ ის იაფი არ ეღირება. ფეხბურთელის აგენტს, რაფაელა პიმიენტას, სჯერა, რომ „ტიხუანას“ შეუძლია მოითხოვოს მნიშვნელოვანი თანხა ამ ნიჭიერი ტინეიჯერისთვის. „რატომ შეიძლება ბრაზილიაში მოთამაშე ფეხბურთელი 70 მილიონი ფუნტი ღირდეს, მაგრამ თუ მექსიკაში ხარ, 7 მილიონი ფუნტი ღირხარ?“ – თქვა მან. „ბრაზილიის ლიგა 10-ჯერ უკეთესია ვიდრე Liga MX? არა, ეს სიმართლეს არ შეესაბამება.“