მადრიდის „რეალი“ სამშაბათს ლისაბონში გაემგზავრება, რათა უეფას ჩემპიონთა ლიგის პლეი-ოფის პირველ მატჩში „ბენფიკას“ დაუპირისპირდეს. „სამეფო კლუბი“ ლიგის ფაზაში ტოპ-რვაში მოხვედრას და პირდაპირ მერვედფინალში გასვლას გეგმავდა, თუმცა ბოლო ტურში „ბენფიკასთან“ 4:2 ანგარიშით დამარცხების შემდეგ მეცხრე ადგილზე აღმოჩნდა. ამან ნიშნავდა, რომ მათ პლეი-ოფში უნდა ეთამაშათ და ბედის ირონიით, ჟოზე მოურინიოს გუნდს დაუპირისპირდნენ, პირველი მატჩი კი ხვალ "ესტადიო და ლუშზე" გაიმართება. „ბენფიკასთან“ მატჩამდე, მწვრთნელმა ალვარო არბელოამ მადრიდის „რეალის“ განაცხადი გამოაქვეყნა. აღსანიშნავია, რომ განაცხადში „კასტილიას“ სამი ახალგაზრდა ტალანტი მოხვდა: მცველი ჟოან მარტინესი და ნახევარმცველები ხორხე სესტერო და ტიაგო პიტარქი. ამავდროდ, დავიდ ხიმენესი არბელოამ არ გამოიძახა, რადგან ტრენტ ალექსანდერ-არნოლდი და დანი კარვახალი სრულ მზადყოფნაში არიან. კილიან მბაპე, რომელმაც „რეალ სოსიედადთან“ მატჩში მონაწილეობა არ მიიღო, ხვალინდელი მატჩისთვის სრულ მზადყოფნაშია და ძირითად შემადგენლობაში გამოჩნდება. რაც შეეხება ტრავმირებულებს, ჯუდ ბელინგემი, როდრიგო გოესი და ედერ მილიტაო კვლავ უქმობენ.