„Sky გერმანიის“ ინფორმაციით, გრიშა პრემელთან თავდაპირველი მოლაპარაკებების შემდეგ, „შტუტგარტმა“ „ჰოფენჰაიმის“ 31 წლის ნახევარმცველსა და მის აგენტს „მომგებიანი“ შეთავაზება გაუკეთა. „შტუტგარტი“ გადაწყვეტილია, ფეხბურთელი თავისუფალი აგენტის სტატუსით დაიმატოს და იმედოვნებს, რომ აღნიშნული შეთავაზება საკმარისი იქნება პრემელის დასარწმუნებლად, რომლის ამჟამინდელი კონტრაქტიც ზაფხულში იწურება. თუმცა, იმ ფონზე, რომ კლუბს მკაფიო ფინანსური ლიმიტები აქვს დადგენილი, არსებული შეთავაზების მნიშვნელოვნად გაუმჯობესება არ იგეგმება. პრემელის გადაბირებას უკავშირებენ ბუნდესლიგის სხვა კლუბებსაც, მათ შორის „ბაიერ ლევერკუზენს“, „აინტრახტ ფრანკფურტსა“ და „ვოლფსბურგს“. ალტერნატიულად, 31 წლის ფეხბურთელს შეუძლია „ჰოფენჰაიმში“ დარჩენა და ახალი კონტრაქტის გაფორმება. მიმდინარე კვირაში კლუბს, ფეხბურთელსა და მის მენეჯმენტს შორის მოლაპარაკებებია მოსალოდნელი. საბოლოო გადაწყვეტილება მარტშია მოსალოდნელი.