უსმან დემბელე "პარი სენ-ჟერმენის" უეფას ჩემპიონთა ლიგის პლეი-ოფის მატჩიდან "მონაკოს" წინააღმდეგ 27-ე წუთზე ტრავმის გამო გაიყვანეს. "ოქროს ბურთის" მფლობელის მონაწილეობა თამაშში მცირე ხბოს კუნთის ტრავმის გამო საეჭვო იყო, თუმცა მან დაადასტურა, რომ სამშაბათს ღამით "მონაკოს" წინააღმდეგ თამაშის დაწყებას შეძლებდა. თუმცა, ის ხშირად იხედებოდა სათადარიგოთა სკამისკენ და საბოლოოდ, მხოლოდ 27 წუთის შემდეგ შეცვალეს. მიუხედავად იმისა, რომ ლუის ენრიკემ მატჩის შემდეგ თავისი თავდამსხმელის ჯანმრთელობის მდგომარეობის შესახებ მცირე ინფორმაცია მოგვაწოდა, L’Équipe-ის ცნობით, დემბელე თავად ამტკიცებს, რომ გაცილებით უკეთ გრძნობს თავს. თუმცა, როგორც ის, ასევე კლუბის სამედიცინო პერსონალი მიღებული დაზიანების ტესტების შედეგებს ელოდება. და მიუხედავად იმისა, რომ პსჟ-ში იმედოვნებენ, რომ ტრავმა სერიოზული არ არის, L’Équipe-ის ინფორმაციით, "სტად რენის" ყოფილი თავდამსხმელი სავარაუდოდ არ ითამაშებს შაბათს "მეცთან" მატჩში, ისევე როგორც ნაკლებად სავარაუდოა, რომ ის მომავალ ოთხშაბათს "მონაკოსთან" საპასუხო შეხვედრაში მიიღებს მონაწილეობას. პსჟ ამ მატჩს 3-2 ანგარიშით უპირატესობით ხვდება. GFFN | ლუკ ენტვისტლი.