აშშ-ის ყოფილმა პრეზიდენტმა ბარაკ ობამამ იცის, როგორ გააღიზიანოს რეჯი მილერი. „ინდიანა პეისერსის“ ლეგენდამ, რეჯი მილერმა, NBA-ის ყველა ვარსკვლავის მატჩის გაშუქების ფარგლებში, NBC-სთვის ინტერვიუ ჩაწერა ობამასთან და ჰკითხა, თუ რა მოგონებები ჰქონდა 1990-იან წლებში თავისი მშობლიური „ჩიკაგო ბულსის“ ყურებასთან დაკავშირებით. მილერმა, რომელიც პასებით არ იყო ცნობილი, ობამას „ასისტი“ გაუკეთა. „ყოველთვის მსიამოვნებდა იმის ყურება, თუ როგორ ვამარცხებდით „ინდიანას“, - თქვა ობამამ. მილერმა უპასუხა: „ღმერთო ჩემო. რატომ მიკეთებთ ამას?“ ობამამ შეაქო მილერი, თუმცა კიდევ ერთხელ „ჩაარტყა“. „ვიტყვი, რომ თამაშის ბოლოს არავინ მაშინებდა ისე, როგორც რეჯი მილერი შესაძლო სამქულიანი სროლით“, - განაცხადა მან. „თუმცა, იმ ერთ ეპიზოდში მაიკლ (ჯორდანს) ბიძგი ნამდვილად მიეცი“. მილერმა 1998 წლის აღმოსავლეთ კონფერენციის ფინალის მე-6 მატჩის ბოლო წამებზე მარჯვენა ფლანგიდან გადამწყვეტი სამქულიანი ჩააგდო, რითაც ადგილი გაითავისუფლა, როდესაც ჯორდანი მას იცავდა. სიაკამი „ტანკინგზე“: „ყოველ ჯერზე, როცა მოედანზე ვარ, გამარჯვებას ვცდილობ“. შემდეგ მილერმა იკითხა: „იყო თუ არა ბიძგი „იუტას“ სერიაში?“ პასუხი: „არა“. თუმცა, ჯორდანმა „იუტას“ კალათბურთელ ბრაირონ რასელს ბიძგი მიაყენა, სანამ გადამწყვეტ სროლას შეასრულებდა, რითაც „ჩიკაგოს“ რვა წელიწადში მეექვსე ჩემპიონატი მოუტანა.