მტკივნეული თასის დამარცხების შემდეგ, "ბარსელონა" რეაბილიტაციას შეეცდება, როდესაც ლა ლიგის გადამწყვეტ მატჩში კატალონიელ მეტოქე "ჟირონას" ესტუმრება. გთავაზობთ, ჩვენს მოსაზრებას იმის შესახებ, თუ როგორ განალაგებს ჰანსი ფლიკი თავის ძალებს ორშაბათის ბრძოლისთვის: "ბარსას" განრიგი საბოლოოდ შემსუბუქდება, რადგან მომდევნო ორი კვირის განმავლობაში მათ შუაკვირის მატჩები არ ექნებათ. ამიტომ, ვფიქრობთ, ფლიკი ამ შეხვედრაში ძლიერ გუნდს დააყენებს, რათა ქულები უზრუნველყოს და შემდეგ ფეხბურთელებს დამატებითი დასვენების საშუალება მისცეს. "ატლეტიკო მადრიდთან" დამარცხებისას დაცვის ყველა ფეხბურთელი ცუდად გამოიყურებოდა და ადვილია დაცვის ხაზის სრული ცვლილების მოთხოვნა, თუმცა ჩვენ ვფიქრობთ, რომ მწვრთნელი თავის საყვარელ დაცვით კომბინაციას - ჟიულ კუნდეს, პაუ კუბარსის, ერიკ გარსიასა და ალეხანდრო ბალდეს - ნდობის კრედიტს გამოუცხადებს და მათ ამ მატჩშიც ძირითად შემადგენლობაში დააყენებს. "ბარსას" ნახევარდაცვამაც იჭირვეულა მადრიდში და ფრენკი დე იონგს იშვიათი ცუდი საღამო ჰქონდა, თუმცა ნიდერლანდელი კვლავ რჩება გუნდის საუკეთესო იმედად მოედნის ცენტრში კონტროლისა და დომინირებისთვის. ვფიქრობთ, ამ შეხვედრაში ის მარკ ბერნალთან ერთად დაიწყებს, ხოლო ფერმინ ლოპესი "ათიანის" პოზიციაზე ითამაშებს, დანი ოლმო კი სათადარიგოთა სკამზე დარჩება. რაფინიას გუნდში დაბრუნებას ელოდებიან, მაგრამ ის, ალბათ, 90 წუთის სათამაშოდ მზად არ იქნება. ამიტომ ვვარაუდობთ, რომ ფლიკი ბრაზილიელს მეორე ტაიმისთვის შემოინახავს და მარცხენა ფლანგზე ფერან ტორესი დაიწყებს, რობერტ ლევანდოვსკი შეტევის წამყვანი იქნება, ხოლო ლამინ იამალი მარჯვენა ფლანგზე დაიკავებს ადგილს. **სავარაუდო XI:** ჟოან; კუნდე, კუბარსი, ერიკ, ბალდე; დე იონგი, ბერნალი; იამალი, ფერმინი, ფერანი; ლევანდოვსკი (4-2-3-1) როგორ ფიქრობთ, როგორი შემადგენლობით უნდა ითამაშოს "ბარსელონამ" "ჟირონას" წინააღმდეგ? გაგვიზიარეთ თქვენი აზრები, პროგნოზები და სასურველი შემადგენლობები კომენტარებში!