მადრიდის „ატლეტიკოში“ რამდენიმე დღის წინ გადმოსულმა ადემოლა ლუკმანმა უკვე მოახერხა დიეგო სიმეონეს გულის მოგება. ადემოლა ლუკმანი მადრიდის „ატლეტიკოს“ ზამთრის სატრანსფერო ფანჯრისას „ატალანტადან“ შეუერთდა. ნიგერიელმა ფეხბურთელმა მალევე იპოვა თავისი ადგილი „ატლეტიკოში“ და უკვე ორი გოლი გაიტანა. ჩემპიონთა ლიგის პლეი-ოფის პირველი მატჩის წინ „ბრიუგესთან“, რომელიც ამ ოთხშაბათს გაიმართება, დიეგო სიმეონემ ხაზი გაუსვა ნიგერიელი თავდამსხმელის უნიკალურ წვლილს მის შეტევაში. „მას განსხვავებული თვისებები აქვს ჩვენს სხვა თავდამსხმელებთან შედარებით. ის უფრო მეტად ერთი-ერთზე თამაშის სპეციალისტია, ვიდრე კომბინაციური თამაშის, თუმცა ამასაც აკეთებს და მან გუნდზე მყისიერად ძალიან კარგი გავლენა მოახდინა“, - განაცხადა არგენტინელმა მწვრთნელმა.