მადრიდის „რეალმა“ ოფიციალურ ვებგვერდზე განცხადება გამოაქვეყნა უეფა-ს მიერ დაწყებული გამოძიების თაობაზე, რომელიც პრესტიანი-ვინისიუსის ინციდენტს ეხება გუნდის ჩემპიონთა ლიგის 1/32 ფინალის პირველ მატჩში „ბენფიკასთან“ 1-0 გამარჯვების დროს. Realmadrid.com-ის ცნობით, მადრიდის „რეალი“ აცხადებს, რომ დღეს უეფა-ს წარუდგინა ყველა არსებული მტკიცებულება იმ ინციდენტებთან დაკავშირებით, რომელიც გასულ სამშაბათს, 17 თებერვალს, ჩვენი გუნდის მიერ ლისაბონში „ბენფიკასთან“ ჩატარებული ჩემპიონთა ლიგის მატჩის დროს მოხდა. ჩვენი კლუბი აქტიურად თანამშრომლობდა უეფა-ს მიერ დაწყებულ გამოძიებასთან, იმ მიუღებელი რასისტული ეპიზოდების შემდეგ, რომელიც აღნიშნული მატჩის დროს დაფიქსირდა. „რეალი“ მადლობას უხდის იმ ერთსულოვანი მხარდაჭერისთვის, თანადგომისთვის და სიყვარულისთვის, რომელიც ჩვენმა ფეხბურთელმა ვინისიუს უმცროსმა მიიღო გლობალური ფეხბურთის საზოგადოების ყველა სფეროდან. მადრიდის „რეალი“ გააგრძელებს მუშაობას, ყველა ინსტიტუტთან თანამშრომლობით, რასიზმის, ძალადობისა და სიძულვილის აღმოსაფხვრელად სპორტსა და საზოგადოებაში.