„ფილადელფია 76ers“-მა ორშაბათს, ოლ-სტარის დღესასწაულებით სავსე უქმეების შემდეგ, კიდევ ერთი ნაბიჯი გადადგა გუნდის გასაძლიერებლად. „სიქსერსი“ შეთანხმდა, რომ გუნდის შემადგენლობის ერთ-ერთ ადგილს 10-წლიანი ვეტერანი და ყოფილი „76ერი“, კემ პეინი დაიკავებს. პეინმა გასული სეზონი „ნიქსში“ გაატარა, ერთი წლით ადრე კი დრო გაყოფილი ჰქონდა „მილუოკი ბაქსსა“ და „76ერს“ შორის. „ფილადელფიასგან“ კონტრაქტის შეთავაზებამდე, პეინი საზღვარგარეთ, კერძოდ სერბეთში, „პარტიზან ბელგრადის“ შემადგენლობაში თამაშობდა. ევროპულ შეჯიბრებებში პეინის საშუალო მაჩვენებელი იყო 12.4 ქულა, 3.9 პასი და 2.3 მოხსნა. ხელშეკრულება ამ სეზონის ბოლომდეა გათვლილი და არ მოიცავს 2026-2027 წლების სეზონის ოფციას. მიუხედავად იმისა, რომ პეინი შედარებით დაბალი გამთამაშებელია, მან თავისი ღირებულება დაამტკიცა NBA-ის არაერთ გუნდში, როგორც ბურთის ამტანი და პერიმეტრული მსროლელი სათადარიგოთა სკამიდან. კარიერის განმავლობაში პეინი სამქულიანებს 36.8%-იანი სიზუსტით ისვრის, ხოლო „ფილადელფიაში“ ჩატარებულ 31 მატჩში მისი სამქულიანების პროცენტული მაჩვენებელი 38.2% იყო. პეინის საუკეთესო სეზონი „ფენიქს სანსის“ რიგებში 2021-22 წლების სეზონში შედგა, სადაც ის საშუალოდ 10.8 ქულას, 4.9 პასს და სამ მოხსნას აგროვებდა თამაშში. პეინის გადმოყვანა იმაზე მეტყველებს, რომ „ფილადელფია“ პლეი-ოფების დაწყებამდე გუნდის შემადგენლობის საბოლოო ჩამოყალიბებას ასრულებს. ამ ხელმოწერის შემდეგ, „76ერსს“ სტანდარტული კონტრაქტისთვის კიდევ ერთი თავისუფალი ადგილი აქვს. ამ ბოლო ადგილისთვის „76ერსმა“ შესაძლოა „ბაიაუტის“ ბაზარს მიმართოს, ან ჯაბარი უოკერს სტანდარტული ხელშეკრულება შესთავაზოს. ნებისმიერ შემთხვევაში, აღმოსავლეთ კონფერენციაში მეექვსე ადგილზე მყოფ „76ერსს“ წელი ძლიერად უნდა დაასრულოს, რათა პლეი-ინ ტურნირს თავი აარიდოს. მათი განრიგი 19 თებერვალს, „ატლანტა ჰოუქსის“ წინააღმდეგ განახლდება.