„ბარსელონაში“ დრამის ნაკლებობა არასოდეს ყოფილა და ბოლო რამდენიმე დღემ კიდევ ბევრი მოვლენა შემოგვთავაზა – თუმცა არა ისეთი, როგორიც „კულერებს“ გვსურს. ესპანეთის თასზე „ატლეტიკო მადრიდთან“ საშინელმა მარცხმა რვაწუთიანი VAR-ის შეფერხება, პაუ კუბარსის გოლის სადავო გაუქმება გამოიწვია და „ბარსას“ საპასუხო მატჩში უდიდესი დაბრკოლება შეუქმნა. ყველა ვიმედოვნებდით, რომ ორშაბათს „ჟირონასთან“ გუნდი რეაგირებას მოახდენდა, თუმცა სამაგიეროდ კიდევ უფრო მეტი იმედგაცრუება იყო, რადგან „ბარსელონამ“ უამრავი შანსი გაანიავა და 2:1 წააგო. მატჩმა ასევე ახალი დაპირისპირება გამოიწვია, რადგან ფრან ბელტრანის გოლი ჩაითვალა, მიუხედავად იმისა, რომ შეტევის განვითარებისას ჟიულ კუნდეზე უხეში თამაში იყო. მატჩის წინ საუბარი იყო იმაზე, რომ „ბარსელონას“ ფეხბურთელებმა ფლიკს ტაქტიკის შეცვლა სთხოვეს, თუმცა „ჟირონასთან“ ცოტა ცვლილება შეინიშნებოდა და მატჩის შემდეგ მთავარი მწვრთნელი საკუთარ გუნდს აკრიტიკებდა. მაშ, რა არასწორად მიდის „ბარსელონაში“? მხოლოდ დაღლილობაა მიზეზი? ტაქტიკაა დამნაშავე? რა უნდა შეიცვალოს? „ბარსა ბლაუგრანეს“ დღევანდელი შეკითხვაა: რა არასწორად მიდის ჰანსი ფლიკისა და „ბარსელონას“ გუნდში და რა საჭიროებს ცვლილებას? ახლა კი თქვენი ჯერია! გაგვიზიარეთ თქვენი აზრები, მოსაზრებები და პასუხები კომენტარების განყოფილებაში!