ტრავმის გამო ხანმოკლე არყოფნის შემდეგ „ბარსელონას“ შემადგენლობაში დაბრუნებულმა რაფინიამ ორშაბათს საღამოს საკუთარი იმედგაცრუება გამოხატა. რაფინიამ ღიად გააკრიტიკა მსაჯობა „ლა ლიგის“ გუშინდელი მატჩის შემდეგ „ჟირონას“ წინააღმდეგ (2-1). „ბარსელონას“ ფლანგელმა თავის ინსტაგრამის ანგარიშზე დაგმო ის გადაწყვეტილებები, რომლებიც მისი აზრით, საზიანო იყო მისი გუნდისთვის, განსაკუთრებით მეტოქის მეორე გოლამდე განვითარებული ეპიზოდი. „ძალიან რთულია, როდესაც წესები იცვლება იმის მიხედვით, შენს სასარგებლოდ არის თუ შენს წინააღმდეგ. მაგრამ თუ მოგებისთვის ყველას წინააღმდეგ მოგვიწევს თამაში, პრობლემა არ არის, ჩვენ ამას გავაკეთებთ,“ - დაწერა მან. „ბარსელონას“ რამდენიმე ფეხბურთელმა ასევე იგრძნო, რომ ჟიულ კუნდეზე დაირღვა წესები. მატჩის შემდეგ ეს ჰანსი ფლიკმაც აღნიშნა.