მილანის „ინტერის“ მცველი ალესანდრო ბასტონი და მისი ოჯახი სოციალურ ქსელში მუქარისა და შეურაცხყოფის ტალღის სამიზნე გახდნენ. ეს მოხდა „იუვენტუსთან“ „დერბი დ'იტალიას“ 3:2 მოგების შემდეგ, როდესაც „იუვენტუსის“ მცველ პიერ კალულუს საკამათო მეორე ყვითელი ბარათი დაანახეს. შეურაცხყოფა და მუქარა მოიცავდა ისეთ ფრაზებს, როგორიცაა: „იმედია, შენი ქმარი სტადიონს ცოცხალი ვერ დატოვებს“ და „დაე, შენმა ქმარმა მთელი ცხოვრება შიშში იცხოვროს“. ეს მხოლოდ მცირე ნაწილია მრავალი მუქარის შემცველი შეტყობინებიდან, რომელიც იტალიელ ფეხბურთელს FCInter1908-ის მეშვეობით გაუგზავნეს. ბასტონი 3:2 მოგებულ მატჩში საკამათო ინციდენტში მონაწილეობდა. კერძოდ, მან იმიტაცია მოახდინა, რათა „იუვენტუსის“ მცველი კალულუ მოედნიდან გაეძევებინათ. ბასტონმა მოედნიდან გაძევება იზეიმა, რამაც კიდევ უფრო გააღიზიანა „იუვენტუსის“ გულშემატკივრები, პერსონალი და ფეხბურთელები. ბასტონის მეუღლემ, კამილამ, ასევე მიიღო შეტყობინებები, რომლებიც მათ შვილებს ეხებოდა. წყვილმა ოჯახის დასაცავად ინსტაგრამზე საკუთარი პოსტების კომენტარები გათიშა. მიუხედავად იმისა, რომ მოედანზე მომხდარმა ინციდენტმა დებატები გამოიწვია, „ინტერის“ შიდა წყაროები ხაზს უსვამენ, რომ ფეხბურთელს ბოროტი განზრახვა არ ჰქონია. „ფეხბურთში ცხარე მომენტებია, მაგრამ ფეხბურთელები პირად თავდასხმებს არ უნდა განიცდიდნენ“, — აღნიშნა წყარომ. კლუბმა დაგმო შევიწროება და კიდევ ერთხელ დაადასტურა ალესანდრო ბასტონისა და მისი ოჯახის მიმართ მხარდაჭერა.