მადრიდის „რეალთან“ დაახლოებული წყაროების ცნობით, ინგლისელი ნახევარმცველი, ჯუდ ბელინგემი, შესაძლოა, ოთხის ნაცვლად დაახლოებით ექვსიდან რვა კვირამდე გამოაკლდეს მოედანს. „რეალისთვის“ ჯუდ ბელინგემის ტრავმასთან დაკავშირებით კარგი ამბები არ ჩანს. თავდაპირველად, ვარაუდობდნენ, რომ მის გამოჯანმრთელებას ოთხი კვირა დასჭირდებოდა, მაგრამ, როგორც ჩანს, ეს ასე არ არის. The Athletic-ის ინფორმაციით, ფეხბურთელმა კლუბთან დაახლოებულ წყაროს განუცხადა, რომ მისი არყოფნის ვადა შესაძლოა, ექვსიდან რვა კვირამდე იყოს. თუ ეს ინფორმაცია დადასტურდება, ინგლისელი მოედანს თითქმის ორი თვით ჩამოშორდება და სეზონის გადამწყვეტ მონაკვეთს გამოტოვებს. ამ სიტუაციას ყურადღებით დააკვირდებიან ინგლისშიც, მისი ნაკრებისთვის მნიშვნელობიდან გამომდინარე, და შესაძლოა, გარკვეული დრო გავიდეს, სანამ მას მოედანზე დავუბრუნებულს ვიხილავთ.